Javnstøðulógin er tó ikki galdandi fyri Løgtingið ella fyri uppstilling til Løgtingið. Men tilsamans halda flokkarnir seg akkurát innan fyri karmarnar á javnstøðulógini, tí uppstillaðar eru tilsamans 40,1 prosent av kvinnum og 59,9 prosent av monnum. Men tað er eitt sindur ymiskt í flokkunum.
Javnastu umboðanina hevur Javnaðarflokkurin, sum hevur 18 valevni av hvørjum kyni. 50 prosent kvinnur og 50 prosent menn.
Næstur er Sambandsflokkurin, sum hevur 45 prosent kvinnur og 55 prosent menn.
Nummar trý er Fólkaflokkurin, sum hevur 42 prosent kvinnur og 58 prosent menn.
Á fjórða plássið er Framsókn, sum hevur 41 prosent kvinnur og 59 prosent menn.
Hesir fýra flokkar hava gjørt uppstilling, sum er innan fyri karmarnar á javnstøðulógini, har í minsta lagi 40 prosent er av báðum kynum.
Tjóðveldi, sum annars fekk fimm kvinnur og ein mann valdan á ting seinast, heldur seg akkurát uttan fyri ásetingarnar í javnstøðulógini. Hjá Tjóðveldi eru 39 prosent kvinnur og 61 prosent menn.
Hjá Miðflokkinum er býtið 36 prosent kvinnur og 64 prosent menn.
Og aftastur við javnstøðu er Sjálvstýri, har býtið er 24 prosent kvinnur og 76 prosent menn.
Soleiðis er býtið millum kynini á listunum hjá teimum sjey flokkunum, sum stilla upp til Løgtingsvalið 8. desember:
Kvinnur % |
Menn % | |
Javnaðarflokkurin |
50 |
50 |
Sambandsflokkurin |
45 |
55 |
Fólkaflokkurin |
42 |
58 |
Framsókn |
41 |
59 |
Tjóðveldi |
39 |
61 |
Miiðflokkurin |
36 |
64 |
Sjálvstýri |
24 |
76 |