Av teimum ísfiskalínuskipum, er eitt til fiskiskap í løtuni.
Tað vita tey á Fiskamarknaði Føroya at siga. Ivasamt er, um skipið kemur inn at landa í næstu viku.
Um frystilínuskipini verður sagt, at eitt fiskar undir Føroyum, fýra fiska í grønlendskum sjógvi, og eitt er á veg yvir á Flemish Kap.
- Línuskipini fáa eina blanding av toski, hýsu, longu og brosmu, verður lagt aftrat.
Um útlitini til útróður, verður sagt, at streymurin er harður, men veðrið er gott.
- So vit vænta nakað av útróðri, men fiskiskapurin hjá útróðrarbátun er smáligur, siga tey á Fiskamarknaði Føroya.
