Gingið kann vera út frá tveimum stovnum av høvuðssagnorðum: einum einstavilsistovni eins og bít-, og einum tvístavilsistovni eins og kalla-. Fyrilesturin tekur støði í teirri hugsan, at orð hava nakrar eiginleikar goymdar í sær í tí mentala leksikoninum, sum er okkara inn-bygda orðabók í heilanum. Hesir eginleikar eru avgerandi fyri, um vit t.d. fáa endingina -ur (sum í bítur) ella r (sum í kallar).
Hildið verður, at tað mentala leksokonið er soleiðis innrættað, at tað goymir stovnarnar, og málførleikin í heilanum finnur tær røttu endingarnar at skoyta uppí. Endingarnar eru reglustýrdar av málførleikanum, men avljóðarøðini í teimum sterkt bendu sagnorðunum mugu vit bara minnast. Psykolingvistiskar kanningar benda á hetta.
Greiningin byggir á tankar hjá tí kenda amerikanska málvísindamanninum Chomsky. Eisini verður nomið við, at endingar ikki hava nakað innihald, men bert verða nýttar funktionelt. Greitt verður frá vantandi persónsbending í fleirtali og í tátíð, og at enda verða sagnorð av slagnum rógva og doyggja viðgjørd.
Fyrilesturin verður hildin í Loftsstovu á Føroyamálsdeildini á Debesartrøð mikukvøldið 26. august kl. 20.00.
v. Føroya Fróðskaparfelag og Fróðskaparsetrið
John Dalsgarð
