Fyrsta andlát av coronavirus uttan fyri Kina er nú váttað á Filippinunum.
Tað upplýsir Heimsheilsustovnurin WHO, skrivaði tíðindastovan AFP í nátt.
Sjúklingurin er ein 44 ára gamal maður, sum í gjár doyði eftir at hava verið innlagdur á sjúkrahúsi í avbyrging síðani 25. januar.
– Tað er fyrsta andlátið uttan fyri Kina. Men vit skulu at hava í huga, at maðurin ikki er smittaður á staðnum.
– Sjúklingurin kom úr Wuhan í Kina, haðani virusið stavar, sigur umboð fyri WHO á Filippinunum Rabindra Abeyasinghe sambært AFP.
Tann deyði var maður 38 ára gamla kvinnu úr Kina, sum var tann fyrsti persónurin á Filippinunum við smittuni.
Tey vóru bæði úr Wuhan.
Tað upplýsir heilsumálaráðharrin á Filippinunum, Francisco Duque, skrivar tíðindastovan dpa.
– Undir sjúkraleguni hevur sjúklingurin eisini fingið álvarsliga lungnabruna, sigur Francisco Duque sambært dpa.
– Seinastu dagarnar var støðan hjá sjúklinginum stabil, og hann vísti tekin um bata, men støðan versnaði seinastu 24 tímarnar, og úrslitið var, at hann doyði.
Parið kom til Filippinurnar úr Hongkong 21. januar. Tey eru enn einastu váttaðu við smittuni tilburðirnir á Filippinunum.
Higartil eru bara fólk í Kina deyð av coronavirusinum, har talið yvir 300 fólk.
Í Kina vóru í gjár váttaðir 2.590 nýggir tilburðir av smittaðum, sum fær samlaða talið í Kina upp á 14.380 fólk.
Umframt Kina hevur smittan breitt seg til yvir 20 lond, teirra millum átta lond í Evropa.
Heimsheilsustovnurin WHO hevur lýst coronasjúkuna fyri eina altjóða heilsukreppu.
/ritzau/AFP
