154 lond luttaka hesuferð í Olympiaduni. Hetta er met. Í fyrsta umfari, sum byrjar kl. 14.00 í dag, er mótstøðuliðið Sri Lanka, sum er seedað nr. 114. Føroyar er seedað nr. 73 og harvið umleið í miðjuni av heimsins talvtjóðum.
Landsliðið - og borðsetingin - á Føroyska OL-landsliðnum 2008, er hendan:
IM Helgi Dam Ziska (2416)
FM Heini Olsen (2368)
IM John Rødgaard (2383)
Martin Poulsen (2281)
Jóan Hendrik Andreasen(2179)
Tað er at frøðast um, at serliga viðv. borðunum 1-3 er liðið søguliga javnt sterkt. Telvað verða 11 umfør, har liðið verður mannað við 4 telvarum hvørt umfarið.
Talvsamband Føroya ásannar, at talan er um ein sera áhugaverdan landsliðshóp, sum í søguligum høpi er sterkasta OL-landslið nakrantíð. Tað er tískil við sera góðum treysti, at staðfestast kann, at vánirnar fyri einum samsvarandi søguliga góðum úrsliti avgjørt er viðkomandi at hóma í havsbrúnni.
Lutfallsliga besta úrtøkan higartil var í OL Moskva 1994, uppá 52,7%.
Fylgið OL - LIVE ? á www.faroechess.com
