Tær seks vindmyllurnar standa í Hoyvíkshaganum oman fyri Havnina og framleiða nú streym inn á netið hjá SEV.
Gellingarklettur er skamt vestan fyri vatnbrunnin í Villingadali, eystan fyri Oyggjarvegin.
Klokkan 14 í dag varð stórt hátíðarhald uppi á Gellingarkletti, har bygdur er ein stórur bygningur at húsa verkstaði og øðrum, sum hoyrir til nýggjastu vindmyllulundina.
Tær seks vindmyllurnar eru risastórar – hægstu bygningsverk í Føroyum, tá tær eru áleið tríggjar ferðir so høgar sum Vesturkirkjan, sum annars er hægsti bygningur í landinum.
– Hetta er størsta einstaka stig ímóti einum burðardyggari Føroyum. Vindmyllulundin kann framleiða líka nógva orku, sum øll vatnorka í Føroyum. Vindmyllulundin flytur Føroyar enn longur fram á grønu kósini, og framleiðir hon 25 prosent av samlaðu orkunýtsluni í Føroyum, segði Jóhan í Niðristovu millum annað, tá hann beyð gestunum vælkominum.
Tað eru Effo og Røkt, sum eiga felagið P/F Vindrøkt, sum eigur vindmyllulundina.

##med16##
Fakta
Hvat: Føroya størsta vindmyllulund
Eigari: Effo og Røkt
Veitari: Vestas 
Slag: V-117 
Máttur: 4.2 MW hvør
Tal av myllum: 6 
Stødd: Tornið á hvørjari vindmyllu er 91,5m høgt og veingjaspennið 117m. Hvør vindmylla vigar 450.000 kg og fundamentið 2.000.000 kg
Samlaður framleiðslumáttur: 25,2 MW
Árlig elframleiðsla: 100 GWh (100 mio KWh)
Grønur streymur: Vindmyllulundin kann veita øllum húsarhaldum í Føroyum grønan streym og økir tað føroysku grønu elframleiðsluna 25% stig.  
CO2 lækking: 20.000 tons av tungolju svarandi til eina minking á 62.000 tons CO2 um árið.

##med2##

##med3##

##med4##

##med5##

##med6##

##med7##

##med8##

##med9##

##med10##

##med11##

##med12##

##med13##

##med15##

##med16##