Í oktober í fjør kunngjørdi ST-skrivstovan United Nations Office on Drugs and Crime eina frágreiðing, sum millum annað hevur eitt yvirlit yvir, hvussu nógv fólk verða myrd í teimum einstøku londunum. Verða tølini fyri Evropa sett fyri seg, liggur Grønland heilt uppi á 2. plássi. Bara Russland er omanfyri.
Samanbera vit Grønland við Danmark, sæst, at tað eru næstan 11 ferðir so mong dráp í Grønlandi sum í Danmark fyri hvørji 100.000 fólk. Tað ger, at Grønland liggur í hølunum á Russlandi og asiatiska landinum Myanmar.
Annars bendi okkurt á, at Grønland var á veg niður eftir drápsyvirlitinum. Í fleiri ár hava millum átta og níggju dráp verið í Grønlandi, men í fjør var bara eitt. Men sorgarleikurin fyrr í ár kann gera, at gongdin vendir aftur.
Annars vísir ST-frágreiðingin, at støðugt færri fólk verða myrd, og at hendan gongdin hevur staðið við síðani 1995.
