Arktisk Kommando upplýsir yvirfyri Sermitsiaq, at leitingin eftir einum 48 ára gomlum manni, sum fór úr Nuuk ávegis móti Maniitsoq í einum lítlum báti seinsta mikudag, er endað úrslitaleys.
Tað mikudagin í síðstu viku klokkan 12.45, at maðurin loysti í Nuuk, og tá teir einki høvdu funnið leygardagin klokkan 10, varð leitingin steðgað.
Leitingin hjá Arktisk Kommando og Grønlands Politi byrjaði hósnáttina, tá avvarðandi hjá manninum settu seg í samband við løgregluna.
Leitað hevur verið við SeaHawk-tyrlu saman við einari EC225-tyrlu hjá Air Greenland. Grønlands Politi hevur eisini siglt í havøkinum við løgreglubátunum, Ilik og Nukik.
Arktisk Kommando sendi eisini út eini sonevnd Panpan-boð á kanal 16 á WHF-inum, har borgarar í økinum vórðu bidnir um at halda eyguni við saknaða manninum.
Men, hóast nógv hevur verið gjørt burturúr í leitingini, er tað ikki eydnast at finna mannin, ei heldur bátin hjá honum, sum var ein Sea Star 600.
Hin 48 ára gamli maðurin hevði ein 150 HK Honda-viðfestimotor í bátinum, og nú verður heitt á øll í umhvørvinum at hava eyguni eftir báti og manni.
