H71 og Kyndil vunnu í kvøld sínar dystir í bólki 2 í steypakappingini hjá monnum. H71 vann 31-21 á StÍF, meðan Kyndil vann 24-21 í Klaksvík móti Team Klaksvík.
Um hugt verður eftir stigatalvuni, so eru Kyndil og H71 favorittar at koma úr bólki 2. Í so máta, so vunnu favorittarnir í fyrsta umfari í bólkaspælinum.
H71 hevði vitjan av StÍF. Hoyvíkingar vunnu við tíggju málum. Toppskjútti hjá heimaliðnum var Mark Lausen-Marcher við tíggju málum. Honum á baki kom Hallur á Biskopstø við átta. Allan Norðberg var toppskjútti fyri strandingar við fimm málum.
Í Klaksvík vann Kyndil við trimum málum á Team Klaksvík. Kyndil hevði munin tað mesta av dystinum og endaði við at vinna 24-21.
Bólkur 2: Kyndil, H71, StÍF og Team Klaksvík
1. umfar
14.01.2015 kl. 20.00 Team Klaksvík – Kyndil 21-24
14.01.2015 kl. 20.00 H71 – StÍF 31-21
2. umfar
18.01.2015 kl 16.00 Kyndil – StÍF
18.01.2015 kl. 16.00 H71 – Team Klaksvík
3. umfar
21.01.2015 kl. 20.00 Kyndil – H71
21.01.2015 kl. 20.00 StÍF – Team Klaksvík
Støðan:
1. H71 2
2. Kyndil 2
3. Team Klaksvík 0
4. StÍF 0
