Hallur fekk 64 minuttir á vøllinum, tá hann og liðfelagarnir í KR taptu málríka fjórðingsfinalu 3-5 fyri verandi steypavinnarunum, Víkingi á útivølli.
Tá Hallur fór av vøllinum var støðan 3-1 til Víking. Tað eydnaðist KR at koma afturíaftur, og tá 85 minuttir vóru farnir javnaðu teir til 3-3. Men seinastu fimm minuttirnar av vanligu leiktíðini eydnaðist tað Víkingi at skora tvey mál aftrat.
Víkingur R. 5 - 3 KR - fjórðingsfinala í steypakappingini
1-0 Erlingur Agnarsson ('31)
2-0 Birnir Snær Ingason ('36)
2-1 Theodór Elmar Bjarnason ('45)
3-1 Ari Sigurpálsson ('55)
3-2 Atli Sigurjónsson ('66)
3-3 Sigurður Bjartur Hallsson ('84, br)
4-3 Helgi Guðjónsson ('87, br.)
5-3 Sigurður Steinar Björnsson ('89)
Hetta var seinasti møguleikin hjá Halli og liðfeløgunum at vinna eitt steyp hetta kappingarárið. Nú ræður um hjá KR at enda millum fýra tey ovastu liðini í Bestu deildini, og vóna tað røkkur til eitt evropeiskt pláss komandi ár.
Einasta føroyingaliðið, ið hevur vunnið seg í fjórðingsfinalurnar er FH hjá Gunnari Nielsen.