FÓTBÓLTUR
- Tað er sjáldan, at vit vita so lítið um mótstøðuna, sum hesaferð. Men vit eru til reiðar.
Tað er ongantíð lætt at sita í venjarasessinum. Tað má sviin Erik Hamrén sanna. Í annað kvøld stendur hann standa á odda fyri Rosenborg, sum vitjar í føroyska høvuðsstaðnum. Hóast hann staðfestir, at dysturin í Gundadali móti NSÍ verður torførur, so krevja fjeppararnir undirhald, málmøguleikar og nógv mál. Teir krevja ein norskan stórsigur.
Torførur dystur
Erik Hamrén tók í gjár út leikarahópin, sum skal stríðast við runavíkingar. Roar Strand, Micke Dorsin og Marek Sapara vóru ikki at finna millum nøvnini. Venjarin sigur við rbk.no, at hesir hava tørv á hvíld og verða tískil verandi í Tróndheimi. Hinvegin eru Steffen Iversen, sum áður hevur spælt við enska Tottenham, og Rade Prica, sum hevur skotið eina rúgvu av málum í donskum fótbólti, við í ferðalagnum.
- Dysturin verður torførur. Tað eru dømi um fleiri lið, sum hava havt trupulleikar í Føroyum. Men eg vænti, at vit fáa eitt frálíkt úrslit, sigur Erik Hamrén við rbk.no.
Sjálvsálitinum bilar í øllum førum einki í Rosenborg í løtuni. Liðið er ósigrað í heili 16 dystir, og tað skal í øllum førum ikki verða í Føroyum og í Gundadali, at frálíka gongdin fær sín enda.
- Eg veit millum lítið og einki um føroyskan fótbólt. Men vit eiga at vinna dystin, sigur Kris Stadsgaard, verjuleikari hjá Rosenborg, við RBK.no.
Hópurin hjá Rosenborg:
Málverjar:
Rune Almenning Jarstein
Alexander Lund Hansen
Verjuleikarar:
Mikael Lustig
Alejando Lago
Kris Stadsgaard
Andresa Nordvik
Roy Miller
Vadim Demidov
Miðvallarar:
Per Ciljan Skjelbred
Alexander Tettey
Trond Olsen
Kjell Rune Sellin
Anthony Annan
Framherjar:
Rade Prica
Didiér Konan Ya
Dario Zahora
Steffen Iversen
