Sunnudagin hin 30. oktober 2022 andaðist fyrrverandi formaðurin í Havnar Arbeiðarafelag, Hans Joensen, 71 ára gamal.
- Tí skal felagið hava nýggjan formann hin 4. mars, tá felagið fer at hava aðalfund.
Tað veit heimasíðan hjá Føroya Fiskimannafelag at siga í dag. Lagt verður aftrat, at Heri Reynheim hevur røkt formanssessin, síðan Hans Joensen gjørdist sjúkur.
Sambært grein 22 í lóg felagsins skulu uppskot til formansvalevni verða nevndini skrivliga í hendi fyri klokkan 12 seinasta vanliga arbeiðsdag í desember 2022 - ella árið fyri, at formaður stendur fyri vali.
Sostatt er freistin farin.
- Vit hava spurt, hvør stillar upp, men felagið sigur, at hetta verður kunngjørt í miðlunum seinni í hesum mánaðinum, veit heimasíðan hjá Fiskimannafelagnum at siga í dag.
