Flaggdagin hevði Havnar Róðrarfelag ársaðalfund, og har takkaði Heðin Hansen fyri seg sum formaður í felagnum. Hann kom upp í nevndina í 1995 og hevur verið formaður síðani 2000. Nýggjur limur í nevndini er Svein Hansen, og hinir eru Rúni Persson, Magni Nielsen, Paul Kragesteen og Magni Brøðraberg. Heimasíðan hjá Havnar Róðrarfelag skrivar, at nevndin fer at skipa seg í næstum.
