Tí hevur næsta fólk á listanum hjá Framsókn nú tikið sæti í Tórshavnar býráð. Og næsta fólk á listanum hjá Framsókn til býráðsvalið var Súsanna Olsen, sum á seinasta býráðsvali fekk 171 atkvøður.
Á býráðsfundinum í Havn í kvøld varð sagt, at Ruth Vang hevur boðað frá, at henni berst frá at røkja starv sítt sum býráðslimur, vegna starv sum landsstýriskvinna.
Tað góðtók býráðið, sum tí staðfesti, at treytirnar fyri innkallan av tiltakslimi, ið er Súsanna Olsen, eru loknar.
Soleiðis var atkvøðubýti á listanum hjá Framsókn á seinasta býráðsvali í Havn:
1 Ruth Vang 246
2 Súsanna Olsen 171
3 Bjarni K. Petersen 149
4 Bergun Kass 143
5 Michael Antony Charles Johannesen 127
6 Karlot Hergeirsson 121
7 Sissal K. Kristiansen 79
8 Høgni Reistrup 75
9 Berit W. Samuelsen 45
10 Róaldur Jákupsson 32
11 Kristian Clementsen 24
12 Súsanna Køtlum 17
13 Birgar Johannesen 11
