Eitt stórt samdøgur undan fyrsta landskappingardystinum boðar HB frá, at feagið hevur skrivað sáttmála við nýggjan álopsspælara.
Talan er um Jonas Enkerud, sum er ættaður úr Åsnes í Norra.
Jonas Enkerud er føddur 25. apríl í 1990 og er 190 cm høgur.
Síðani á nýggjárinum hevur hann ikki spælt í nøkrum felag.
Síðsta felagið hjá honum var IF Gnistan í Finnlandi. Hann skifti 31. januar í 2024 frá norska felagnum HamKam og til finska felagið.
Sambært transfermarkt hevur Jonas Enkerud spælt 48 dystir í bestu norsku deildini og 151 dystir í næstbestu deildini.
Fyrsti dysturin hjá HB í nýggja kappingarárinum verður í annaðkvøld, tá ið HB klokkan 18.30 fær vitjan av B68.
