Stóri danski hondbóltsmiðilin, hbold.dk metir, at Óli Mittún er millum fimm tey sterkastu nýggju nøvnini í bestu donsku hondbóltsdeildini.
Tey fimm nøvnini hbold dregur fram eru hesi. Og sigast má, at hetta eru fimm dygdarnøvn:
Juri Knorr (Frá Rhein-Neckar Löwen til Aalborg Håndbold)
Patrick Helland (Frá Elverum til Aalborg Håndbold)
Óli Mittún (Frá IK Sävehof til GOG)
Jerry Tollbring (Frá Füchse Berlin til Ribe-Esbjerg HH)
Hampus Wanne (Frá Barcelona til HØJ)
Um Óla skrivar hbold: - Føroyski Mittún hugtók enn eina ferð til U21 HM-endaspælið, har hann bæði gjørdist toppskjútti og MVP (mest virðismikli leikarin) í kappingini. GOG hevur við hesari tilgongdini gjørt eitt regulert "scoop". Hansara gjøgnumbrotspotentialið í bestu mansdeildini er sera stórt, og hann kann gerast ein marra hjá mótstøðuliðunum.
