Beint eftir klokkan 21 í gjárkvøldið fekk løgreglan eina fráboðan um, at roykur sást koma úr Christianskirkjuni í Klaksvík.
Boð vórðu send eftir Klaksvíkar Sløkkiliði.
Men, tað gekk bara ein lítil løta, so ringdi fráboðarin aftur, og nú vísti tað seg, at roykur kom úr oljufýringini.
Vaktleiðarin veit í morgun at siga, at oljufýringin varð sløkt, og soleiðis varð hetta málið loyst.
- Soleiðis, sum vit hava skilt, stóðst eingin skaði av hendingini, og soleiðis varð hetta málið loyst, tíbetur, leggur vaktleiðarin aftrat.
