Januar 2017 er ein stórur mánaður fyri føroyskan landsliðshondbólt, tí at tá eru ikki færri enn tvær undankappingar á heimavølli á skránni. Fyrst skal U21-landsliðið hjá monnum royna seg í HM-undankapping komandi vikuskiftið, meðan A-landsliðið hjá monnum spælir EM-undankapping vikuskiftið aftaná.
Í dag er blivið kunngjørt, hvørjir leikarar manna U21-landsliðið til HM-undankappingina komandi vikuskiftið, sum verður spæld í høllini á Hálsi.
Teir 16, sum hava fingið landsliðsboð, eru hesir:
Málmenn:
Niklas Simonsen, Skjern Håndbold
Hørður Trygvason, SG Flensburg-Handewitt
Útileikarar:
Rói Berg Hansen, Neistin
Torkil Hentze, Neistin
Teis Horn Rasmussen, Neistin
Pætur Mikkjalsson, Neistin
Helgi Hildarson Hoydal, H71
Hilmar Leon Jakobsen, H71
Jónas Gunnarson Djurhuus, H71
Pætur Thomsen, H71
Brandur Halgirsson, SG Flensburg-Handewitt
Fríði Weyhe, KÍF
Pætur Johansen, StÍF
Kjartan Johansen, Team Sydhavsøerne
Áki Egilsnes, TMS Ringsted
Sjúrður Olsen, VÍF
Mótstøðuliðini hjá Føroyum í undankappingini verða Sveis, Ísrael og Finnland. Undankappingin verður spæld í døgunum frá 6.-8. januar. Spælt verður um eitt pláss til U21-landsliðs HM, sum verður spælt í Algeria í summar.
Venjarar hjá Føroyum eru Kári Nielsen og Ingi Olsen.
