Komandi leygardag ferðast føroyska U18-landsliðið hjá hondbóltsmonnum til Bulgaria, har liðið skal luttaka í EM-kapping. Mótstøðuliðini verða Bulgaria, Turkaland, Luksemburg og Finnland, áðrenn ein plaseringsdystur at enda skal spælast.
Hondbóltssamband Føroya skrivar soleiðis:
EHF samtykti í 2013 at skipa EM-ungdómskappingarnar annarleiðis í mun til vanliga leistin við undan- og endaspølum. Komandi U18-kappingin er fyrstu ferð EHF roynir nýggja leistin í verki, sum framyvir eisin verður galdandi fyri U20-kappingarnar. Kappingin verður nú skipað í eina A- og eina B-kapping. Liðini, sum eru styrkismett sum 16 tey fremstu, leika A-endaspæl, meðan restin spælir eina B-kapping, sum í hesum førðinum verður leikt í trimum ymiskum londum. 4 tey bestu liðini í B-kappingini rykkja síðani upp í A-kappingina, meðan 4 tey niðastu í A-kappingini rykkja niður, tá tann næsta EM-kappingin verður, tvs. tá hesin árgangurin skal spæla U20-kapping. Hesin leisturin borgar fyri einari ítróttarligari meira javnbjóðis kapping, har liðini sleppa at royna seg móti mótstøðuliðum, sum í størri mun eru á sama leikliga støði.
Venjararnir hjá U18-landsliðnum, Ingi Olsen og Hjalmar Klein Olsen, hava úttikið hesar 16 leikararnar:
Málverjar:
Hørður Trygvason – Flensburg-Handewitt
Uni Petersen – Kyndil
Útileikarar:
Vilhelm Poulsen – H71
Bartal Klein Olsen – Kyndil
Høgni Paulason Zachariassen – VÍF
Heini Edvardsson – Kyndil
Brandur Halgirsson – Flensburg-Handewitt
Tróndur Wardum – Kyndil
Jóhan í Garðastovu – VÍF
Kaj Johannesen – VÍF
Rani Højgaard – H71
Ólavur av Fløtum Mittún – Kyndil
Niklas Højgaard Hanusarson – H71
Jóni Guttesen Viderø – Kyndil
Jóhan Petur Hentze – Kyndil
Jónsvein Dulavík Joensen – Neistin
Leikskráin hjá føroyska landsliðnum sær soleiðis út:
Mánadagin 15. august klokkan 18.00 Bulgaria – Føroyar
Týsdagin 16. august klokkan 17.30 Føroyar – Turkaland
Mikudagin 17. august klokkan 15.30 Luksemburg – Føroyar
Fríggjadagin 19. august klokkan 15.30 Finnland – Føroyar
Sunnudagin 20. august Plaseringsdystur
