Ein av bestu málverjunum nakrantíð, Bayern München málverjin, 40 ára gamli Manuel Neuer ger eitt "comeback" á týska landsliðnum.
21. august í 2024 kunngjørdi Neuer annars, at hann var givin á landsliðnum. Týskarar í síni heild hava tó tikið sera væl ímóti boðunum, at Neuer er við í HM-hópinum hjá Julian Nagelsmann, ið er kunngjørdur í dag.
Liðfelagin hjá Neuer í Bayern, bert 18 ára gamli framrættaði miðvallarin, Lennart Karl er eisini úttikin. Hann er yngsti leikarin nakrantíð, ið er tikin út til ein týskan HM-hóp.
Týskland er í innleiðandi bólki E saman við Ekvador, Fílabeinsstrondini og Curacao.
Týski HM-stoltleikin er særdur. Í 2018 og í 2022 vunnu týskarar seg ikki úr bólkaspælinum. Í søguni hevur Týskland fýra HM-gull, fýra HM-silvur, tríggjar HM-bronsur og eitt fjórða pláss. Tað er bara í 1938, umframt í 2018 og í 2022, at Týskland ikki hevur vunnið seg víðari úr innleiðandi bólkaspælinum.
Undan HM-endaspælinum spælir Týskland venjingardystir móti Finnlandi og vertstjóðini, USA.
HER er týski HM-hópurin:
##med2##
