Tað verður 46 ára gamli slovenin, Slavko Vincic sum fer at døma HM-finaluna millum Spania og Argentina á MetLife leikvøllinum í East Rutherford í annaðkvøld klokkan 20.
Slavko Vincic er ein royndur dómari, og hevur higartil dømt 50 dystir í Champions League. Í 2024 dømdi hann finaluna í Champions League millum Real Madrid og Borussia Dortmund.
Slavko Vincic hevur dømt tríggjar dystir í hesum HM-endaspælinum. Talan er um dystirnar: Brasil-Marokko, Jordan-Algeria og Meksiko-Ekvador.
Í HM-endaspælinum í Katar dømdi Slavko Vincic tveir dystir.
Í 2022 dømdi Slavko Vincic finaluna í Europa League millum Eintracht Frankfurt og Glasgow Rangers.
Jesús Valenzuela úr Venesuela dømir HM-bronsudystin millum Frakland og Ongland, ið verður spælur á Hard Rock leikvøllinum í Miami í kvøld klokkan 22.
-------------
HER ber til at síggja hvussu HM verður víst í teimum ymisku londunum, hvørs sjónvarpsrásir vísa HM-dystirnar. Ovast til høgru er eitt yvirlit við teimum ymisku londunum.
