Fleiri fótbóltsáhugaðir føroyingar hava gjørt vart við, at Lars Olsen segði okkurt, sum ikki passar á tíðindafundinum, tá hann úttók føroyska landsliðið til dystirnar móti Kasakstan og Eysturríki. Hann segði, at allir spælararnir á landsliðnum hjá Kasakstan, uttan ein, spæla í russiskum fótbólti.
Hetta passar ikki, og tað hava fleiri gjørt vart við bæði til in.fo og kjaksíðum á Facebook. Nú er landsliðið hjá Kasakstan úttikið. Allir uttan tveir spæla í heimligu kappingini, meðan Konstantin Engel úr Energie Cottbus og Henrich Schmidtgal úr Fortuna Dusseldorf, spæla í Týsklandi.
Henrich Schmidtgal var ikki við seinast og má metast sum ein styrkur fyri Kasakstan.
Nú er so spurningurin hvat landsliðsvenjarin, Lars Olsen, meinti við, tá hann segði at allir spæla í russiskum fótbólti?
Hópurin hjá Kasakstan:
Málverjar:
Andrei Sidelnikov, Aktobe
Alexander Mokin, Shakhtar Karagandy
Samat Otarbayev Shymkent
Verjuspælarar:
Kairat Nurdauletov, Astana
Yuri Logvinenko, Aktobe
Alexey Muldarov, Aktobe
Eldos Akhmetov, Astana
Victor Dimitrenko, Astana
Mark Gurman, Kairat Almaty
Alexander Kislitsyn, Kairat Almaty
Konstantin Engel Energie Cottbus (Týskland)
Miðvallarar:
Nurbol Zhumaskaliyev, Tobol Kostanai
Maxat Bayzhanov, Shakhtar Karagandy
Heinrich Shmidtgal Fortuna Dusseldorf (Týskland)
Valery Korobkin, Astana
Dmitry Shomko, Irtysh Pavlodar
Pavel Shabalin Irtysh Pavlodar
Igor Jurin Irtysh Pavlodar
Andrei Karpovich, Shymkent
Anatoly Bogdanov, Tobol Kostanai
Framherjar:
Andrei Finonchenko, Shakhtar Karagandy
Sergey Hizhnichenko, Shakhtar Karagandy
Alex Shchetkin, Atyrau
HM undankappingardysturin millum Føroyar og Kasakstan verður 11. oktobur á Tórsvølli.
