Í dag 1. januar 2014 eru tær áður fráboðaðu prísbroytingarnar í undirsjóvartunlunum settar í verk.
Uni Danielsen, stjóri í tunnilsfeløgunum, sigur, at prísurin fyri stakar túrar við persónbilum, lækkar úr kr. 110,- pr/túr niður í kr. 100,- pr/túr.
– Hetta svarar til eina lækking á 9,1%. Kubbahaldini pr./túr lækka somuleiðia við 9,1%, úr kr. 55,- niður í kr. 50,-. Tað verður framvegis møguleiki at ogna sær kubbahald við ávikavist 20 túrum og 40 túrum. Prísurin er ávikavist kr. 1.000,- og kr. 2.000, sigur hann.
Akfør yvir 3.500 kg. og/ella longri enn 6 metur, hetta eru lastvognar, bussar, trailarar o.l. lækkað við 6,25%. Stakir túrar úr kr. 320,- niður í kr. 300,-. Kubbahaldini fyri hesi akfør lækkað úr kr. 160,- til kr. 150,- pr. túr.
Árshaldini lækka úr kr. 750,- um mánaðin til kr. 700,- um mánaðin ella kr. 8.400,- árliga. Hetta svarar til eina lækking á 6,7%.
Niðanfyri dagførd prístalva galdandi frá 1. januar 2014:
| 1 túr t/r | Kubbahald t/r | Árshald |
Akfør upp til 3500 kg ella =<6 m | 100,- | 50,- kr. 1.000,- 20 túrar kr. 2.000,- 40 túrar
| 700,- 8.400,- árliga |
Akfør yvir 3500 kg og > 6 m | 300,- | 150,- Kr. 3.000,- 20 túrar Kr. 6.000,- 40 túrar
|
|
