Í kvøld tók Stjarnan móti føroyingaliðnum, ÍBV á heimavølli í Garðabær í dysti í bestu íslendsku hondbóltsdeildini.
Fyrstu løtuna hevði Stjarnan ÍBV á knøunum. Tá 13 minuttir vóru leiktir var Stjarnan á odda 9-1.
Men ÍBV ressaðist eftir tað, og í steðginum var Stjarnan bert á odda 13-11.
Í seinna hálvleiki var ÍBV omaná og vunnu eyjamenn seinna hálvleik 15-10, og harvið dystin 26-23.
ÍBV er nummar fýra í deildini við 18 stigum fyri 14 dystir.
Janus Dam Djurhuus skoraði eitt mál fyri ÍBV í kvøld.
Dánjal Ragnarsson var uttanfyri við einum skaða, ið hann fekk í undanfarna umfarinum móti Selfossi.
