Hóast vóninar vóru stórar undan dystinum móti Danmarksseriuliðnum Kastrup í 5. umfari av donsku steypakappingini Compaq Cup, so megnaði 1. lið hjá ÍF Føroyum tó ikki at koma víðari í kappingini. Kastrup vann dystin 3-0 eftir at hava verið á odda 1-0 í hálvleikinum.
Føroyska liðið stóð seg annars væl meginpartin av dystinum, ið varð nógv merktur av óvanliga nógvum vindi, sum nokk meira er kendur á Krossinum í Sumba. M.a. við støðuni 1-0 hevði Magni á Lakjuni eitt dundurskot á tvørstongina, men tá Kastrup beint eftir skoraði til 2-0, tyktust leikararnir hjá ÍF Føroyum at fella í fátt. Og tá so Kastrup kom uppá 3-0 var ósigurin veruleiki, men vóru menn tó nøgdur við yvirhøvur at vera komnir so langt í kappingini.
ÍF Føroyar hevur eisini leikt sínar síðstu dystir í Seriu 2 áðrenn summarsteðgin, og liggur liðið á einum fyribils 4. plássi, tá kappingin byrjar aftur seinast í august.
Úrslit frá Seriu 2, Kreds 4:
13. juni
CSC-ÍF Føroyar 2-1
15. juni
ÍF Føroyar-BK Fix 5-0
21. juni
Hakoah-ÍF Føroyar 3-2
