Í dag klokkan 16 verður jólatræið á Vaglinum í Havn tendrað.
Til hugnaløtuna fer Havnar Hornorkestur at spæla, Bjarni Bæk, domprostur, og Heðin Mortensen, borgarstjóri, tala. Aftaná syngja Tórshavnar Manskór og Ungdómskórið Dropar
Tann hugnaligi jólabýurin í miðbýnum verður í ár bæði Tinghúsgarðinum, á gongugøtuni og framsýningarnar røkka heilt oman til handilin hjá Katrinu Christiansen. Har kunnu felagsskapir, skúlaflokkar o. o. hava tiltøk og selja ymiskt.
Av Tórshavnar Býráð verður sagt, at umframt sjálva jólabýin, er ætlanin at skipa fyri undirhaldi, fleiri framsýningum, jólasølum, tiltøkum og mangt annað hugnaligt.
Jólabýurin letur upp í sambandi við at jólatræið á Vaglinum verður tendrað í dag.
Skráin fyri tiltøkini verður dagførd á heimasíðuni hjá Tórshavnar Kommunu, www.torshavn.fo hvørr dag.
Skráin í dag sær soleiðis út:
Kl. 10:00 - 23:59
Framsýning í Tinghúsgarðinum
Jólasmátturnar í Tinghúsgarðinum hava framsýningar av jólaheimum frá 50´unum.
Kl. 10:00 - 16:00
Jólahugnastovan í Gongugøtuni
Kl. 13:00 - 19:00
Jólasølubásar í gongugøtuni
Kl. 14:00 - 18:00
Katrina Christiansen
Aftur í 50?ini í gamla handlinum, kontórinum og seymistovuni hjá Katrina Christiansen.
Kl. 16:00 - 18:00
Jólasølan í Bainsstovu
Kl. 16:00 - 19:00
Jólasølan
Jólasølan hjá Vardu Verkstøðunum letur upp á Gongugøtun
Kl. 16:00 - 18:00
Jólatræið verður tendrað
Jólatræið á Vaglinum verður tendrað. Havnar Hornorkestur spælir Stigabilur, brandbilur, jólamenn og vættrar vitja . Heðin Mortensen, borgarstjórin heldur røðu og Tórshavnar Manskór syngur.
Kl. 16:30 - 17:00
Tónleikur
Ungdómskórið Dropar syngur á Káta Horninum
