Jørmann Petersen, grannskoðari hjá Nota í Havn prógv sum statsaut. revisor í Keypmannahavn. Jørmann Petersen, sum er føddur 1. apríl 1972, er uppvaksin í Sandavági hjá foreldrunum Onnu Sofíu og John Petersen.
Jørmann tók hægri handilsskúlaprógv í Tórshavn í 1992, og eftir hetta fór hann beinleiðis í læru hjá Grannskoðarafelagnum Carl Vilhelm Weihe, sum grann-skoðaravirkið NOTA æt tá. Í 1997 fór hann til Danmarkar til víðari lestur, har hann tók cand.merc.aud. prógv í 2002.
Jørmann arbeiðir í dag sum grannskoðari hjá grannskoðaravirkinum NOTA, og hevur arbeitt har tilsamans í umleið 12 ár. Hjá NOTA eru í dag tveir statsaut. revisorar, Hans Laksá og Jørmann Petersen, sum báðir eru við til at mynda ovastu leiðsluna í felagnum.
Jørmann býr í Hoyvík saman við konuni Brynhild, og saman hava tey døtrarnar Ronju og Juliu.
