Javnaðarflokkurin hevði stóra afturgongd í størstu býunum á kommunuvalinum í gjár.
Hóast afturgongdina í stóru býunum verður stjórnarflokkurin við 28,5 prosentum størsti flokkur í Danmark. Vinstri er næststørstur við 21,2 prosentum.
Báðir teir stóru borgarstjóraflokkarnir hava tó afturgongd í mun til valið í 2017.
Tá fekk Javnaðarflokkuri 32,4 prosent av atkvøðunum, meðan Vinstra fekk 23,1 prosent.
Afturgongdin hjá Javnaðarflokkoinum er serliga í stóru býunum.
Bæði í Keypmannahavn, Aarhus, Odense og Aalborg gekk stjórnarflokkurin nógv aftur.
Í Keypmannahavn endaði tað enntá við, at Eindarlistin yvirhálaði Javnaðarflokkinum sum størsti flokkur.
Stóri taparin á valinum var tó Danski Fólkaflokkurin, sum mátti lata sær linda 4,1 prosent av atkvøðunum og harvið fór niður í helt í mun til valið í 2017, tá flokkurin eisini gekk aftur.
Lúsingurin á valinum hesaferð skal leggjast afturat afturgongdini, sum Danski Fólkaflokkurin fekk á valunum í 2019, fyrst til Evropatingið og síðani til Fólkatingið.
Formaður floksins Kristian Thulesen Dahl viðgekk í gjárkvøldið, at tað sær ikki gott út, og at alt í flokkinum – eisini lutur hansara sum formaður – er til kjak.
Tey konservativu enda sum stóri vinnarin á valinum, eisini sjált um flokkurin eftir 112 ár sær út til at hava mist leiðsluna á Frederiksberg.
Tey Konservativu fingu hesaferð 15,2 prosent av atkvøðunum í mun til 8,8 í 2017.
Eisini Nýggju Borgarligu fingu eitt gott val við 3,6 prosentum av atkvøðunum, ímóti 0,9 í 2017, tá flokkurin stillaði upp til kommunuval á fyrsta sinni.
/ritzau/