Tað gjørdist ikki tann besti dagurin hjá føroyingaliðunum í triðbestu donsku fótbóltsdeildini í dag.
Daniel Johansen var á vøllinum allan dystin, og Heini F. Sørensen var á vøllinum í 75 minuttir tá lið teirra, Thisted tapti 0-1 fyri Hellerup á heimavølli.
Hellerup skoraði sigursmálið beint undan steðginum.
Hørður H. Askham og liðfelagarnir í AB leiktu javnt 2-2 móti Brabrand á útivølli.
AB fekk eina ringa byrjan. Longu aftaná 13 minuttir var AB aftanfyri 0-2. Tá 24 minuttir vóru leiktir minkaði Mark Pedersen um munin til 1-2.
Tim Freriks javnaði til 2-2 miðskeiðis í seinna hálvleiki.
AB er nummar sjey í deildini við 15 stigum. Thisted er nummar átta við 14 stigum. Fremad Amager á sætta plássinum hevur 15 stig.
Tað ræður um hjá AB og Thisted at enda millum seks tey fremstu aftaná lokið grundspæl fyri at røkka endaspælinum um uppflyting til næstbestu deildina.
