Jenis av Rana hevur áður sitið í býráðnum í Havn. Hann stillaði upp á uttanflokkalistanum hjá Petur í Gong til valið í 1992, men var tó ikki valdur. Men tá Petur í Gong legði sessin frá sær í 1993, kom Jenis av Rana inn í býráðið og hevði sæti til valið í 1996.
Á valinum í 1996 fekk uttanflokkalistin einki umboð valt. Miðflokkurin stillaði upp til býráðsvalini í Havn í 2000, 2004 og 2008 uttan at fáa umboð valt. Sperrumarkið til at fáa umboð valt í Tórshavnar býráð er rættiliga høgt, tí ein listi má fáa 1/13 av atkvøðunum, ella beint undir 7,7 prosent.
Seinast nakar annar flokkur enn teir fýra stóru, Fólkaflokkurin, Sambandsflokkurin, Javnaðarflokkurin og Tjóðveldi, fekk umboð valt í Tórshavnar Býráð var í 1996, tá Ronald Poulsen varð valdur fyri Sjálvstýrisflokkin.
Seks valevni
Á listanum hjá Miðflokkinum til býráðsvalið hesaferð eru seks valevni:?
Dánjal Mouritsson Joensen?
Rani Andrasson Skaalum?
Arnfinn á Birtuni?
Charlotta á Váli Olsen?
Frank Jacobsen?
Jenis av Rana
