Í annaðkvøld klokkan 19, vitja Vejle spælararnir, Jóan Símun Edmundsson og Viljormur Davidsen, Fótbóltspanelið á Rás2.
Serligt Fótbóltspanel verður á Rás2 týskvøldið, 22. desember, klokkan 19
Teir eru báðir føroyskir landsliðsspælarar og spæla yrkisfótbólt í Vejle í næstbestu deildini í Danmark. Báðir hava arbeitt hart fyri at røkka dreyminum sum yrkisspælari, men yrkisleiðirnar líkjast nú ikki so nógv.
Fótbóltspanelið er at hoyra á Rás2 hvønn fríggjadag millum klokkan 16 og 17
Í skemtiliga partinum hevur undanfarni gesturin, Gilli R. Sørensen valt Viljorm Davidsen sum spælaran á landsliðnum, sum heldur seg vera lekkrast, meðan Jóan Símun Edmundsson bleiv skýrdur vánaligasti plátuvendarin í landsliðshópinum. Hesum atfinninginum sleppa teir at svara aftur.
Jóan Símun Edmundsson hevur við sær eina orginala Vejle troyggju, sum hann hevur spælt í. Hesa kanst tú vinna, meðan sendingin er.
