Jóan Símun Edmundsson gjørdi veruliga vart við seg í norðurmakedonsku steypakappingini fyrr í dag.
Á útivølli vunnu Jóan Símun og liðfelagarnir í Shkupi stórsigur, 8-0 á Xhepcishti. Í steðginum var Shkupi á odda 4-0.
Áðrenn ein hálvur tími var leiktur av dystinum hevði Jóan Símun longu skotið hattrick. Jóan Símun legði Shkupi á odda 1-0 longu í 6. minutti. Í 24. og í 28. minutti økti Jóan Símun til 3-0 og til 4-0.
Komandi sunnudag spælir Shkupi dyst móti Struga á útivølli í bestu norðurmakedonsku deildini.
