Tað er fult umfar í Premier League um vikuskiftið. Longu hóskvøldið var London-uppgerð í Fulham, har grannarnir úr Chelsea vóru á vitjan.
Stóra søgan var João Félix, sum bara tvey samdøgur undan var leigaður úr Ateltico Madrid til Chelsea. Tað er ymiskt hvørja upphædd altjóða miðlar seta á leiguavtaluna, men hon er nokk í undirkantinum av 100 milliónum krónum fyri eitt hálvt ár.
Í ein lítlan tíma víst fótfimi og tekniski portugisin hví hann er høgt í metum. Hann dribblaði og fintaði seg framvið fleiri spælarum, og tvær ferðir bleiv tað til gult kort til spælarar hjá Fulham.
Tá ein lítil tími varð spældur fekk João Félix ein bólt frá verjuni. Hann fekk ikki tamarhald á bóltinum og tveitti seg í eina takling. Tíverri fyri João Félix, so endaði hann við at stempla ein mótstøðuspælara á skinnabeini.
Tað bleiv til eitt beinleiðis reytt kort, sum merkir at João Félix má sita uttanfyri við leikbanni í tríggjar dystir. Reyða kortið lýsir væl kappingarárið hjá Chelsea, sum er heldur misjavnt. Chelsea tapti 2-1 og liggur á 10. plássi. Chelea skal longu aftur í eldin í morgin.
Í gjár vann Aston Villa eisini 2-1 á Leeds United. Aston Villa liggur miðskeiðis á stigatalvuni, meðan Leeds United hevur brúk fyri stigum, fyri at sleppa undan niðurflytingarstríðnum.
1 | Arsenal | 17 | 14 | 2 | 1 | 40:14 | 44 |
2 | Manchester City | 17 | 12 | 3 | 2 | 45:16 | 39 |
3 | Newcastle | 18 | 9 | 8 | 1 | 32:11 | 35 |
4 | Manchester Utd | 17 | 11 | 2 | 4 | 27:20 | 35 |
5 | Tottenham | 18 | 10 | 3 | 5 | 37:25 | 33 |
6 | Fulham | 19 | 9 | 4 | 6 | 32:28 | 31 |
7 | Liverpool | 17 | 8 | 4 | 5 | 34:22 | 28 |
8 | Brighton | 17 | 8 | 3 | 6 | 32:25 | 27 |
9 | Brentford | 18 | 6 | 8 | 4 | 30:28 | 26 |
10 | Chelsea | 18 | 7 | 4 | 7 | 21:21 | 25 |
11 | Aston Villa | 19 | 7 | 4 | 8 | 22:27 | 25 |
12 | Crystal Palace | 17 | 6 | 4 | 7 | 17:25 | 22 |
13 | Leicester | 18 | 5 | 2 | 11 | 26:31 | 17 |
14 | Leeds | 18 | 4 | 5 | 9 | 26:33 | 17 |
15 | Nottingham F. | 18 | 4 | 5 | 9 | 13:34 | 17 |
16 | Bournemouth | 18 | 4 | 4 | 10 | 18:39 | 16 |
17 | West Ham | 18 | 4 | 3 | 11 | 15:24 | 15 |
18 | Everton | 18 | 3 | 6 | 9 | 14:24 | 15 |
19 | Wolves | 18 | 3 | 5 | 10 | 11:27 | 14 |
20 | Southampton | 18 | 3 | 3 | 12 | 15:33 | 12 |