Amerikanski forsetin, Joe Biden, er komin til Belfast í Norðurírlandi. Tað vita fleiri útlendskar tíðindastovur at siga í kvøld.
Forsetin skal luttaka á 25-árahaldinum fyri avtaluni, sum tryggjaði frið í Norðurírlandi.
Langafríggjadagsavtalan, sum hon verður rópt, varð undirskrivað hin 10. apríl í 1998, og tá endaði stríðið millum katolikkar og protestantar.
Í stríðnum millum partarnar, sum minti um borgarakríggj, lótu 3500 fólk lív, og hetta stríð varð rópt "The Troubles".
Nú Joe Biden er komin til Norðurírlands, sigur løgreglan í landinum, at fýra rørbumbur eru funnar í einum kirkjugarði í Londonderry.
Løgreglan sigur í tíðindaskrivi, at rørbumburnar nú eru tryggjaðar og skulu kannast.
##med2##
