Johanudagurin í Vági í dag hevur gingið væl, og tað hevur verið sum á jóansøku! Nógv fólk, og undirhald til bæði børn og vaksin.
Brimil og træskipini hava havt opið skip, og børnini kundu royna hoppiborg, og í kørum sást ymiskt, ið annars er á havsins dýpi, og klokkan 16 ljóðaði lúðurin á Brimli, og so var stóra vatnkríggið í gongd.
Togtogan var millum næmingar í 10. flokki og næmingar á Ítróttaháskúlanum. Annar parturin stóð á Smyrlabryggjuni og hin á bryggjuni við djúphavnina, og tað gjørdust næmingar á Ítróttaháskúlanum, ið endaðu á blámanum. Helst høvdu teir ikki so nógv ímóti tí, tí dagliga síggjast næmingar á ítróttaháskúlnaum á Vágsfirði, har teir antin svimja, rógva kajakk ella annað.
Í kvøld hevur verið møguleiki at keypa sær vældámdu Johannubúffarnar, ið manningin á Johonnu grillar, og í kvøld er dansur á bryggjuni.
##med2##
##med3##
##med4##
##med5##
##med6##
##med7##
##med8##
##med9##
Myndir: DO, ES, DS
