Hetta gjørdist ein góður dagur hjá føroyingaliðunum í næstbestu donsku hondbóltsdeildini hjá monnum.
Jónas G. Djurhuus og liðfelagarnir í FIF vunnu fyrsta sigurin og fyrstu stigini hetta kappingarárið við einum 31-28 sigri á Otterup á útivølli.
Í steðginum var Otterup á odda 15-14.
Jónas skoraði trý mál fyri FIF í dag.
Brandur Halgirsson og Leivur Mortensen skutu eitt mál hvør, tá teir og liðfelagarnir í Ajax vunnu 29-25 á Grindsted á heimavølli.
Í steðginum var Ajax á odda 15-14.
Rógvi Dal-Christiansen skoraði ígjár trý mál fyri lið sítt, Roskilde sum vann 24-22 á Ringsted á útivølli.
Ringsted var á odda 11-9 í steðginum. Í seinna hálvleiki var Roskilde omaná, og vann seinna hálvleik 15-11, og harvið dystin 24-22.
Í morgin klokkan 15 leika Rói Berg Hansen og liðfelagarnir í HØJ heimadyst móti Rækker Mølle.
Nummar | Lið: | Dystir | Stig |
1 | Rækker Mølle | 2 | 4 |
2 | HØJ | 2 | 4 |
3 | Roskilde | 3 | 4 |
4 | Team Sydhavsøerne | 3 | 4 |
5 | TMS Ringsted | 3 | 4 |
6 | Aarhus HC | 3 | 4 |
7 | Ajax | 3 | 4 |
8 | TM Tønder | 2 | 2 |
9 | Odder | 3 | 2 |
10 | FIF | 3 | 2 |
11 | Skive | 3 | 2 |
12 | Otterup HK | 3 | 1 |
13 | IK Skovbakken | 2 | 1 |
14 | Grindsted GIF | 3 | 0 |