Jürgen Klopp fingið bann

Enska fótbóltssambandið hevur givið Jürgen Klopp venjarabann í tveir dystir, harav annar er treytaður. Hartil hevur hann fingið eina bót upp á 643 túsund krónur.

- Eg veit ikki hvat hann hevur í móti okkum. Hann hevur sagt at hann einki hevur ímóti okkum, men tað kann ikki passa, segði Jürgen Klopp, venjari hjá Liverpool, eftir 4-3 sigurin á Tottenham fyri nøkrum vikum síðani.

Jürgen Klopp var alt annað enn nøgdur við, at dómarin valdi at dømta fríspark móti Mohamed Salah seint í dystinum, tá tað eftir hansara metingin skuldi verið fríspark til Mohamed Salah. Eftirflygjandi fekk Tottenham bóltin og løtu seinni enn eitt fríspark, sum endaði við at Tottenham í 92. minuttir javnaði til 3-3.

Liverpool skoraði sigursmálið tveir minuttir seinni og tá rann Jürgen Klopp yvir til fjórða dómaran og jublaði. Hann jublaði so nógv, at hann fekk ein skaða í baklærið og gult kort.

- Tað var óneyðugt og eitt gult kort var eisini í ordan. Eg fekk ein skaða, men eg veit ikki ordiliga hvat tað er, so eg bleiv revsaður fyri at jubla, men tað dómarin segði við meg, tá hann gav mær gula kortið er ikki í lagi, segði Jürgen Klopp við Sky Sports.

Hann vildi ikki koma nærri inn á hvat bleiv sagt, men dómarafelagið hjá dómarunum í Onglandi hevur verið úti og boðaða frá, at upptøkurnar hjá teimum siga, at Paul Tierney einki ósakligt hevur sagt.

Tær upptøkurnar eru nú almannakunngjørdar. Her framgongur at Paul Tierney sigur við venjaran hjá Liverpool, at hann hevur fingið boð um at geva gul, men at tað kundi verið reytt. Jürgen Klopp og Paul Tierney hava fyrr verið upp á kant. Tí er hetta ein longri søga millum ein óðan venjara og ein dómara. Jürgen Klopp kann nú vænta sær eina sak fyri ósømiligan málburð.

Liverpool verður nú uttan Jürgen Klopp til heimadystin móti Aston Villa leygardagin. Liverpool skal vinna, fyri at hava nakran kjans at spæla í Champions League komandi kappingarár.