Jupiter
Tá nótaskipið Jupiter loysti í Saltangará fyri løtu síðan, slóknaði høvuðsmotorurin, og skipið rak spakuliga inn ímóti grótkantinum norðanfyri bryggjuna.
Eingin skaði kom á skrokkin, sum ongantíð bar við land.
Á Havnaskrivstovuni hjá Runavíkar havn søgdu teir fyri løtu síðan, at skipið var komið til bryggju aftur í øllum goðum.
- Manningin slepti akkerinum, tá motorurin slóknaði, so skipið ikki dreiv inn móti grótkantinum. Síðan vórðu endar fingnir í land, samstundis sum síðuskrúvan hjálpti til at fáa skipið út frá aftur.
Teir siga, at endar vórðu festir í land og síðan lagdir um okkurt at spølunum umborð.
- Alt gekk væl at fáa skipið til bryggju aftur, og eingin skaði stóðst av hendingini, siga teir á Havnaskrivstovuni hjá Runavíkar havn.
Seinastu vikurnar hevur Jupiter ligið við bryggju í Saltangará, meðan høvuðsmotorurin er umvældur.
Nú skipið loysti, vóru teir klárir at fara til fiskiskap aftur – og øll manningin var umborð.
