Vestmanna Ítróttarfelag ( VÍF) hevur gjørt nýggja stuðulsavtalu við Kaupthing Virðisbrævameklarafelag P/F, ið inniberð, at Kaupthing komandi tvey árini verður høvuðsstuðul hjá VÍF.<BR> Kaupthing hevur seinastu árini verði ein av stuðlum felagsins og eru partarnir komnir ásamt um, at Kaupthing verður høvuðsstuðul felagsins frá og við kappingarárinum 2004/05.<BR> Stuðulsavtalan varð undirskrivað av báðum pørtum í Ítróttarhøllini í Vestmanna, sunnudagin 24. oktober, aftaná dystin millum VÍF og KÍF, 1. deild menn.<BR> Petur Holm stjóri í Kaupthing Virðisbrævameklarafelag P/F sigur, at VÍF gjøgnum tíðirnar hevur víst seg sum eitt tað dyggasta hondbóltsfelagið í landinum, og at Kaupthing tí fegnast um, at tað var gjørligt at gerast høvuðsstuðul hjá VÍF.<BR> Eyðun Leo, formaður í VÍF sigur, at .tað hevur stóran týdning fyri felagssarbeiði, at VÍF hevur góðar stuðlar í vinnulívinum, sum tryggja fíggjarliga grundarlagið hjá felagnum. <BR> - Uttan slíkar hevði verið ógvuliga trupult, kanska ógjørligt, at útint tað arbeiðið, sum verður gjørt í VÍF í dag. Tí fegnast vit um, at Kaupthing, sum frammanundan hevur stuðlað VÍF, nú vildi gerast høvuðsstuðul hjá felagnum komandi tvey kappingarárini.
