Venjarin hjá KÍ, Eyðun Klakstein, harmast almikið um, at hansara lið enn einaferð tveitti eina tvey mála leiðslu burtur.
- Hetta er sama enn einaferð. Vit høvdu kanska uppiborið at vunnið, men megna ikki at verja fyri, sigur hann millum annað í samrøðu, sum kann hoyrast við at trýsta á pílin niðanfyri myndina.
Har sigur Eyðun Klakstein eisini, at KÍ fer at vinna minst ein dyst, tað ið eftir er av kappingini.
KÍ spældi annars javnleik 3-3 í móti EB/Streymi í Klaksvík í dag. KÍ var á odda 3-1, tá bara tíggju minuttir restaðu og EB/Streymur skoraði til 3-3 í yvirtíðini.
KÍ – EB/Streymur 3-3 (1-0)
1-0: Páll Klettskarð, 2.
2-0: Páll Klettskarð, 46.
2-1: Niels Pauli Danielsen, 48.
3-1: Heðin Klakstein, 58.
3-2: Leif Niclasen, 80.
3-3: Egil á Bø, 90.
