KÍ kann vinna FM uttan at spæla

Tað vera ivaleyst heilt nógvir KÍ fjepparar kring heimavøllin fríggjakvøldið, tá ið KÍ fær vitjan av B68, sum berjist fyri at sleppa undan niðurflyting.

Eftir 22. umfar og 2-1 sigurin í Gøtu, sum varð tryggjaður við framúr frísparki, sum Árni Frederiksberg tók sær av, eru FM favorittarnir 12 stig frammanfyri Víking, sum framvegis er á øðrum plássi.

Fríggjakvøldið vera tveir dystir. Umframt at KÍ fær vitjan av B68, so fara B36 og Skála at spæla í Gundadali.

Um tað eydnast KÍ fríggjakvøldið at vinna á heimavølli ímóti B68, og um tað ikki eydnast Víkingi at vinna fulla úrtøku í Gundadali ímóti HB leygardagin, so verður KÍ meistari. Tá fer KÍ at hava 65 stig, og Víkingur fer í mesta lagi at hava 51 stig. Munurin verður 14 stig, og tað vera bara 12 stig eftrir at spæla um.

Dysturin í Klaksvík fríggjakvøldið verður klokkan 19. So fæst at síggja, hvat tey finna uppá í Klaksvík leygardagin, um KÍ fríggjakvøldið vinnur fulla úrtøku, og um Víkingur ikki vinnur fulla úrtøku í Gundadali leygardagin.

Fríggjadagin

KÍ – B68: Dagfinn Forná kl. 19.00

B36 – Skála: Rúni Gaardbo

Leygardagin

NSÍ – 07 Vestur: Kári J. á Høvdanum

EB/Streymur – AB: dómarin er ikki settur

HB – Víkingur: Eiller Rasmussen         

-