General Motors er í løtuni í samráðingum við eina kinesiska fyritøku um sølu av bilmerkinum Hummer. Amerikanska bilkonsernin General Motors, sum herfyri fór í gjaldsteðg, roynir at selja ein part av sínum aktivum fyri at koma á føtur aftur.
Samráðingar eru í løtuni við kinesisku fyritøkuna Sichuan Tengzhong Heavy Industrial Machinery um sølu av bilmerkinum Hummer.
Sum skilst er ætlanin at núverandi leiðslan í Hummer heldur fram undir nýggju eigarunum, og at framleiðlan av Hummer í USA heldur fram.
Stjórin í Hummer, James Taylor, sigur, at avtalan kemur at tryggja 3.000 fólkum arbeiði.
TRÝST HER fyri at lesa meira á biltíðindum á Portalinum
