Russar ætla at gera smá kjarnorkuverk, sum skulu útvega oljuíodnaðinum ì tí arktiska økinum Russar arbeiða við ætlanum um at byggja fleiri smá kjarnorkuverk, sum kunnu flytast úr einum stað í annað, og sambært bretska blaðnum The Guardian ætla russar serliga at brúka hesi verkini í tí arktiska økinum.
Har skulu verkini lata streym í sambandi við olju- og gassleiting, og sambært blaðnum ætlar almenna olju- og gassfelagið Gazprom eisini at brúka smá kjarnorkuverk til sítt virksemi í Barentshavinum.
Eftir upplýsingunum, sum bretska blaðið hevur fingið, kunnu tey smáu kjarnorkuverkini útvega 70 megawatt av streymi hvørt. Hvørt verk skal hava tveir reaktorar, og verkini skulu sjálvi goyma burturkastið.
