Tað hevur gingið illa hjá Kjartani Johansen og liðfeløgunum í Fyllingen Bergen í undanfarnu fimm útidystunum í bestu norsku hondbóltsdeildini at fáa stig á útivølli.
Men í kvøld brast fyri nev hjá Fyllingen. Fyllingen spældi javnleik 30-30 ímóti Bodø á útivølli, og er fyrsta stigið í seks útidystum komið til høldar. Í steðginum var Fyllingen Bergen á odda 17-14.
Tað gekk væl hjá Kjartani Johansen, sum saman við Inge Hvidsten gjørdist toppskjútti hjá Fyllingen Bergen við sjey málum. Kjartan Johansen hevði 11 royndir á málið hjá Bodø, og sjey av teimum sótu í málinum hjá Bodø. Kjartan var ísakaldur allarseinastu løtuna tá hann við brotskasti javnaði til 30-30, sum gjørdist endaliga úrslitið.
Í vikuskiftinum kom Fyllingen Bergen eisini víðari í evropeisku Challenge Cup kappingini. Fyllingen Bergen vann á heimavølli ein tryggan 30-21 (16-10) sigur á Vogosca úr Bosnia, og ein samlaðan 65-54 sigur yvir tveir dystir. Kjartan Johansen skoraði trý mál í 30-21 sigrinum.
Komandi mikukvøld spælir Fyllingen Bergen á heimavølli ímóti Notterøy, sum liggur aftast í bestu norsku hondbóltsdeildini við ongum stigi.
Støðan:
| 1. | 11 | 8 | 1 | 2 | 375:302 | 17 | ||
| 2. | 10 | 7 | 0 | 3 | 295:269 | 14 | ||
| 3. | 7 | 6 | 1 | 0 | 241:194 | 13 | ||
| 4. | 9 | 6 | 1 | 2 | 289:243 | 13 | ||
| 5. | 10 | 5 | 3 | 2 | 278:280 | 13 | ||
| 6. | 10 | 4 | 2 | 4 | 293:284 | 10 | ||
| 7. | 10 | 3 | 2 | 5 | 286:305 | 8 | ||
| 8. | 10 | 4 | 0 | 6 | 257:297 | 8 | ||
| 9. | 10 | 3 | 1 | 6 | 288:299 | 7 | ||
| 10. | 10 | 3 | 1 | 6 | 270:291 | 7 | ||
| 11. | 9 | 3 | 0 | 6 | 213:252 | 6 | ||
| 12. | 10 | 0 | 0 | 10 | 252:321 | 0 |
