Fjórða umfar í næstbestu fótbóltsdeildini er á skránni seinnapartin, tá ið fýra dystir verða spældir. Fimti dysturin - tann millum FC Hoyvík og B68 - er útsettur til mikukvøldið, tí FC Hoyvík í morgin skal spæla fjórðingsfinalu í steypakappingini.
Klassikari verður á Sevmýri, har teir bestu hjá TB og teir bestu hjá KÍ fyri fyrstu ferð nakrantíð skulu spæla landskappingardyst í næstbestu deildini.
07 Vestur fer seinnapartin fyri aðru ferð í ár at vitja í Gundadali. Í 2. umfari vann 07 Vestur 2-1 á útivølli ímóti FC Hoyvík.
AB er framvegis stigaleyst. Í dag fer Víkingur, sum saman við KÍ og 07 Vestur er oddalið, at vitja á Argjum. Tað verður ivaleyst spennandi uppgerð, men sjálvandi er áhugin í hesum báðum feløgunum uppaftur størri fyri fjórðingsfinaluni í steypakappingini, sum í morgin verður í Sarpugerði millum Víking og AB.
NSÍ vitjar í dag í Streymnesi.
1. deild
4. umfar
Ídag
HB-07 Vestur: Eiler Rasmussen kl. 15.00
TB-KÍ: Ransin Djurhuus kl. 15.00
AB-Víkingur: Dia Lamhauge kl. 15.00
EB/Streymur-NSÍ: Rói Jacobsen kl. 15.00
28. apríl
FC Hoyvík-B68: Bent Tommu Linklett
Støðan undan 4. umfari
KÍ, Víkingur og 07 Vestur 7 stig
HB 6 stig
TB og EB/Streymur 4 stig
NSÍ 3 stig
FC Hoyvík og B68 1 stig
AB 0 stig
