Altjóða Parkinsondagin, fríggjakvøldið 11. apríl, skipar Parkinsonfelagið fyri stórari stuðulskonsert í Norðurlandahúsinum, har fleiri av kendastu tónleikarunum í Føroyum fara at spæla.
Tey, sum fara at spæla, eru: Lena Anderssen og Niclas Johannesen Høgni Reistrup Holgar Jacobsen Jens Marni Hansen Blueberry Jam Session 17 sangarar Guðrun Sólja Jacobsen og Eyðun Ásason Rannvá Vesturklett
Høvuðsendamálið við konsertini er fyrst og fremst at varpa ljós á sjúkuna og felagið, og samstundis at savna pening til arbeiðið hjá felagnum, sigur Parkinsonfelagið í Føroyum.
Seinastu tíðina hevur nevndin í felagnum ferðast kring landið og havt fundir fyri parkinsonsjúklingum, avvarðandi og áhugaðum.
- Endamálið við fundunum var at kunna um nýggjastu granskingina í sjúkuni, og um hvat felagið hevur arbeitt við, og framyvir hevur ætlanir at arbeiða við.
|
