Tróndur Mikkelsen og liðfelagarnir í Kristiansand høvdu í kvøld torføra uppgávu í bestu norsku hondbóltsdeildini móti oddaliðnum, Drammen.
Drammen vann greiðan 34-24 sigur. Í steðginum var heimaliðið á odda 15-11.
Talan er um fyrsta ósigurin hjá Kristiansand hetta kappingarárið. Kristiansand hevur fýra stig aftaná tríggjar teir fyrstu dystirnar.
Tróndur var ikki millum málskjúttarnar hjá Kristiansand í kvøld, men hann legði upp til tvey mál, og hann vann liðnum eitt brotskast.
Komandi mikudag klokkan 17.30 tekur Kristiansand móti Elverum á heimavølli.
