Tí dagurin 26. mai í 2001 var ikki bara 33 ára føðingardagurin hjá Fríðriki krúnprinsi – men tað var dagurin, tá Føroya fólk á fólkaatkvøðu skuldu fáa høvi at taka støðu til, um Føroyar skuldu lýsast sum ein suverenur fullveldisstatur.
Sambært ætlanum hjá fullveldislandsstýrinum hjá Høgna Hoydal og Anfinn Kallsberg, so skuldi skiftistíðin verða 12 ár, og hetta tíðarskeið skuldi føroyska samfelagið tillagast, so tað frá í dag at rokna skuldi klára seg uttan ríkisveiting úr Danmark.
Men alt broyttist, at tá Anfinn Kallsberg avlýsti fólkaatkvøðuna. Samstarvið millum Tjóðveldi og Fólkaflokk helt tó fram – eisini eftir valið í 2002, men slitnaði í desember í 2003.
Størsta málið hjá hesum landsstýrinum – har Fólkaflokkurin hevur stórt vald, var at hækka blokkstuðulin 200 milliónir.
Tann ætlanin miseydnaðist eisini. Vit kunnu so bara út frá politiska veruleikanum staðfesta, at hvørki fullveldi ella fólkaatkvøða eru í politiskari eygsjón.
