Trý ferðsluóhapp vóru í Klaksvík um vikuskiftið. Eitt hendi tíðliga í vikuni meðan tvey hendu um vikuskiftið, sigur vakthavandi á støðini í Klaksvík.
Tað fyrsta ferðsluóhappið var á byrgingini við Haraldsund. Ein bilførari, sum var á veg til Haraldsund, misti tamarhaldi á bilinum, tá hann koyrdi eftir byrgingini, og hann rendi á ein stein á sunnaru síðu á byrgingini. Bilurin fekk so stóran skaða, at hann mátti flytast burtur av einum kranabili, greiður vakthavandi á støðini í Klaksvík frá.
Tey bæði óhappini, sum hendu um vikuskiftið vóru meira av ósketni, og eins í tí fyrsta førinum var bert talan um materiellan skaða.
Eitt hendi í svinginum við Depli. Ein bilur, sum var á veg niðan móti tunnlinum, kom í so langt út á breytina at hann nært við ein mótgangandi bil.
Hitt óhappið hendi mitt í býnum í Klaksvík og líktist tí fyrra. Tveir bilar bóru við hvønn annan tá annar teirra skuldi snara inn á ein annan veg.
Í ongum føri var talan um fólkaskaða.
