Kundi tú hugsað tær at verið alari? So hevur Mowi eitt spennandi
lærupláss til tín, har tú fært nokk at síggja til – bæði verkliga og
ástøðiliga.
Uppgávur og skúlatíð
At ala laks er spennandi starv. Laksur frá Mowi skal altíð verða í góðum hondum, og tú verður við
til at røkta laksin, frá at hann er rogn, til hann er klárur at seta út á sjógv – so hetta er eitt sera
týdningarmikið starv. Og so fert tú sjálvandi eisini á skúlabonk at læra um lívfrøði, fóðring, fiskaheilsu,
trygd og mangt, mangt annað.
Førleikar
Tað verða ikki sett nøkur krøv til læruplássið fyriuttan eitt 9. floksprógv. Men vit vænta, at tú hevur
fimar hendur og knokkin góðan, og at tú annars ert ágrýtin og fyrikomandi.
Lærutíðin
Lærutíðin er 4 ár, og aftan á tað kanst tú kalla teg alara. Vit hava aling á Oyndarfirði, við Haldórsvík og
á Sandsvág, og starvsstaðurin er skiftandi í lærutíðini. Skúlatíðin er á Miðnámi í Vestmanna í fýra
umførum. Skúlin byrjar á heysti, men tú kanst koma í læru longu nú í summar.
Lønin er samb. §35 um lærlinga- og yrkislønir í sáttmálanum millum Føroya Arbeiðsgevarafelag og
Føroya Arbeiðarafelag.
Vilt tú vita meira, so set teg í samband við Heidi M. Fossádal á 791004 ella skriva
til heidi.fossadal@mowi.com.
Umsóknir skulu sendast til starv.faroes@mowi.com, og freistin at søkja er hósdagin 2. apríl.
—
Mowi er heimsins størsta alifelag við virksemi um allan heim. Framleiðslan hjá Mowi í Føroyum er áleið
10.000 tons av alilaksi um árið. Felagið hevur eina smoltstøð á Hellunum umframt 3 aliøki á sjónum –
ávikavist í Oyndarfirði, Haldórsvík og á Sandi. Kryvjivirkið er á Strondum. Umleið 80 fólk starvast hjá Mowi í Føroyum
